南北韓邊界- JSA與DMZ38遊記<第三地道>
- Scarla Scarlet
- Oct 28, 2018
- 2 min read
到左表面最平傭無奇但又緊張刺激的第三隧道了。 首先，一定要去遊客中心睇第三地道歷史影片先啦。1974年，歸順南韓脫北者向南韓政府通報，話金日成政府掘左當時已發現的可以派大量北韓兵跨越南北韓呑併南韓的第一、第二地道之外，仲有第三、第四地道等等，但搵左好耐都搵唔到，直至1978年先被發現。但第三地道比第一、第二地道更有危險性，離南韓分界線只有435m，每小時可以傳送士兵三萬名，極具威脅性。而地道尺寸為闊2M，高2M，離地面73M。 之後每個人又要放低所有隨身物品係遊客中心既locker，包括電話、銀包、護照，再過磁力搜身，再帶地盤安全帽先可以入地道。
由於當日地道入面既小纜車壞左，導遊曾經提醒我地，如果遇到驚恐、缺氧、無力等情況，一定要立刻離開，否則要救人就有一定難度。 我照跟住人羣進入地道，一入到去有條好長好黑斜路，氣溫亦越入越低，地道不停有地下滲出黎，地下好濕滑，兩旁亦有黑色的炭灰，相傳係北韓人驚俾人發現就搽定扮係煤礦。而斜路旁邊每隔50米就有凳俾人休息同氧氣面罩提供。 行完358M地斜道，再行多265M隧道要行先到終點-第三道圍牆。但當我越行越入時，我對眼開始越來越花，呼吸亦越來越大，行多大約100M到我就開始頂唔順，怕要人救我，嚇親人，所以我決定回頭，用剩餘的氣力行返上地面。我邊行邊休息，行慢啲，都唔想人地擔心我，況且我仲要留返條命去美國的！😆 行左大約20分鐘到，我終於爬返上地面了。😌即刻去locker拎返自己啲野，狗衝去手信店買支野飲坐低回返魂😌😌真係嚇死寶寶了，好驚真係會暈低係第三地道。 回完魂就出外面影相了，有DMZ標記同一個地球分一半兩旁有兩韓人民撐住的雕塑。之後上車去下一個景點-都羅山瞭望台。
Comentários