南北韓邊界- JSA與DMZ38遊記<板門店與JSA旅客中心[自由之家]>
- Scarla Scarlet
- Oct 20, 2018
- 2 min read
入到板門店了，可以親眼一睹肥仔恩同文在寅手拖手跨過三八線地方了！！ 導遊同聯合國軍代表同我地briefing影相規矩。 1. 影相時要互相幫助，唔可以自拍。 2. 行動要迅速，要爭取時間，影得就好影，唔可以霸住唔俾其他人影。 3. 係户外，鏡頭一定要對住北韓方向，唔可以對住南韓方向。 一講完就馬上入去板門店藍色談判小屋了。
當日十分幸運，可以見到北韓軍人站崗同北韓遊客同時參觀板門店，於是係軍事停戰委員會場入面影外面的北韓軍人站崗。跟住爭取時間跨過三八線係北韓範圍同南韓警備人員合照，之後一影完就要即刻過返南韓範圍了，成個影相過程用10多分鐘完成。導遊亦有簡單講解會場擺設，就係屋內枱上的咪線三八線了。跟著一窩蜂又要離開俾下一組人入去參觀了。
係小屋外面又要小學雞式2個2個排好隊，聯合國軍代表再一次訓示規矩後，可以影板門店外圍和北韓板門閣。大樓頂樓有北韓遊客全部統一著黑色T-shirt，影緊南韓板門店自由之家。當南北韓板門店同時有遊客參觀甚為罕見，但北韓遊客唔可以好似南韓遊客咁落到軍事停戰委員會場參觀。
等到下一組人參觀完後，就返遊客中心領取JSA生死狀，之後就可以係遊客中心外圍既和平之鐘、無量壽佛寺同紀念石影相同參觀，仲可以同聯合國軍代表影相，影完後去下一個景點臨津閣公園了。
Kommentare