達美航空(Delta)搭後感
- Scarla Scarlet
- Oct 26, 2017
- 3 min read
今次去西雅圖可以話係"出門貴人招風雨"，打風搞到取消左我原本搭個班<長榮EVA>由香港經台北去西雅圖，呢篇搭後感就由EVA變左做Delta。🤓
其實我係十二年前搭過達美航空既前身西北航空 (Northwest) ，當年Northwest因為破產重組變成今日Delta，變相Delta有好多野都用返Northwest淨低，好似Cabin Crew咁。所以D FA都較為上左年紀，不過唔好諗住咁樣佢地服務會差左，反而佢地識得尊重香港呢個航點，專門請返D識講廣東話、普通話同英文既華裔FA，都幾有親切感。🤓
今次臨上機前2日先買到機票，票價$6XXX都唔算食左我隻車，好彩去之前幾日媽幫我買左旅遊保險，有得claim返錢😂 美資航班公司既安檢真係世界級麻_煩🙄，check in之前都要經過機場保安逐個問清楚你去邊你做D咩有咩人同你去有咩行程etc之後先可以埋去地勤個邊check in拎boarding pass.....🙄當然唔少得既睇下你有無US visa啦，真係辛苦班地勤同機場保安。入到閘口上機，又要check多次你個袋有無水呀炸彈呀懷疑武器etc🙄 (聽班aunties講今年保安仲嚴過上年的)
辛辛苦苦check完又check終於入到機艙，無耐就開始派Menu，耳機同Sleep Kits，當然毯同枕頭就一定有提供。但D位如果以飛美國航班黎講，算唔好坐 (以之前跟northwest, ANA同Korean Air比較)，比較硬，
Menu就係俾你睇成程機食幾多餐同有咩揀，對於唔識英文既老人家係一個方便位，指下就有得食。今次12個鐘頭直航就會食3餐(晚餐、mid flight snack service、pre-arrival meal)加一次Beverage Service加花生，可以飽住落機。味道就有肉個D多數係伏，素食個D就唔係，算中上級。
[去程揀左"尖管通心粉佐帕爾瑪芝士香辣茄醬"同"蘑菇奄列配加拿大煙肉、烤南瓜同綠椰菜花"(哈根大師雪糕)]
[回程就揀左"意式波菜餃佐蕃茄羅勒青醬忌廉汁"同"香蒜紅椒青醬雞肉韮菜貝殼意粉"(夢龍雪糕)]
耳機佢地就叫做送既，唔會收返，但我都無用到，因為我有私伙野。
sleep kits就包左耳塞同眼罩，對耳塞真係世界級隔唔到音…我仲要坐廁所位，完全聽到哂有幾多人係你隔離，所以我回程就用返私伙，完全係2個級別，好後悔去程無用到私伙ㅜ ㅜ 。眼罩就都ok既，都隔到下光。
上得傳統航班緊係唔少得要玩下部遊戲機啦，部機連埋reading light同call light set埋一齊，初初玩都ok既，點知飛到中途，個機壞左，個mon同reading light都熄唔到。
至於D戲都幾新，啱啱落畫既都有，西片無字幕既就點都會多D架啦，但驚喜竟然有好多港產片，數量仲好似多過國產片。 至於game就都係個D例牌野，好似以前northwest D game仲好玩D添，起碼以前有bejewled blitz。
到講返Cabin Crew, 佢地都算勤力架啦，去程個時有個姐姐會間唔中執廁所，回程個班就懶D，無咩人肯執（美國機D客尤其男人，去廁所真係唔準，痾到周圍都係，仲要唔沖廁…）真係辛苦哂。
最重要既寄艙行李同手提行李限額，分別係2件23kg同12k (<-美國既航空公司會比亞洲既航空公司會多D)
如果直航飛美國$6xxx同有咁既服務，我覺得值3.5粒星(滿分係5粒星)，期望出年如果仲有機會去美國又搭到delta既，可以搭到新機啦😊
Comments