印度航空搭後感
- Scarla Scarlet
- Sep 4, 2017
- 1 min read
第一次揀印航飛首爾，價錢上抵，有30kg行李同飛機餐，經濟倉坐位仲要幾闊落下，又無所謂既咖哩味，D搭客都有禮貌，我直頭覺得香港人仲嘈過佢地🙈。至於FA係安全檢查上，就真係hea爆，係咁意望下你有無扣安全帶就算數，連行李櫃個客閂左都懶得禁下係咪真係鎖實，呢點就真係正如我親愛的表哥話齋佢地如果唔係咁hea就變左強國啦🙈至於各位人夫成日出差唔記得買野俾老婆想上機先買既紀念品，sor9ly，no content, out of service! 咁記得搭印航要買定手信先好上機😏同埋我之前係上網訂左餐竟然一個都無俾我，咩水果餐兒童餐，無。。。🙈對各位最最最重要既空姐空少，sor，係空嬸空叔，(唔好要求咁高，無印度西施同印度王子架🙈😂) 想睇就打開本野第一版有個印度楊千嬅俾你望下，然後合埋眼ff下，陣間serve你個個印度汪明荃同印度吳耀漢變成好靚仔靚女無老花，頂3粒鐘過左就ok架啦🤓不過係有2樣野加分既就係佢地張boarding pass好靚同飛機landing播片係會播印度話、廣東話同韓文，係真係廣東話唔係普通話，呢樣佢地真係做足功課！ 總結一分錢 一分貨，俾幾多錢咪俾咩你！🤓
Comentários