BN(O) 續領及開箱記

BN(O)= British National Oversea, "港英餘孽"專利，即係香港1997年回歸前係香港出世，仲要之前申請過先可以續領既一本奇怪二等公民護照，就算大陸人係回歸前落左黎香港都唔可以申請。 作為"港英餘孽"既我，見到"數字人"搞冧香港、"淋病"當選、D人無啦啦被搭洗頭艇etc 就萌生要續領左BN(O)，於是我翻箱倒籠搵返本舊BNO出黎賭一鋪，妄想有日<事頭婆>駕崩前皇恩浩蕩升格做BN，解救"港英餘孽"（仙女教母跳出黎講：發夢啦你😜）renew😭。

申請個陣填左好多野，又查家宅又盛，竟然問我婆公嫲爺老豆老母幾時幾候邊到出世仲要問埋佢地幾年幾月幾日結婚🙄OMFG!我R到頭都爆，老豆老母幾時出世結婚我就知，我婆公嫲爺我鬼知咩…四個有三個都上左天堂可能投埋胎，差D要去大埔街市搵林姑(好似係)問米咁滯🙄🙄🙄🙄🙄好啦，用盡九牛二虎之力填好張網上form，懷住"錢無左會搵得返既心態😭"去交左錢，跟住仲有張form要print出黎填...(點解美國佬同英國佬咁Q鐘意叫人填form🙄)，係呀counter sign(副簽)。 由於我由兒童BNO passport轉做成人passport加上過左10年無renew，所以要搵專業人士仲要有英/歐/美護照既人幫我counter sign(副簽)，簽完份form仲要簽多張相，仲有一大堆文件要一齊交：身份證底面彩印、特區護照由頭到尾彩印一份、仲要一份香港政府部門/銀行出俾你既信，俾完錢之後六個禮拜內寄返去，咪你個千幾蚊就付諸流水....🙈🙈

其實英國政府驚你班友唔識睇英文，好好人咁打左份cantonese instruction廣東話指南俾你班友睇。今次我幾欣賞英國政府，唔用Chinese用Cantonese呢個字眼，都知"港英餘孽"接受Cantonese多過Chinese呢個字架啦👍🏻😂

執好哂文件寄左之後大慨1個禮拜到，就DHL速遞俾你，一份係新passport，一份係舊passport加封政府/銀行信。

一開件，本passport靚到喊出黎😂，真係抵俾咁多錢，頁頁都唔同圖案，都係英國著名人物、發明、藝術、建築物咁，不過sorry無<事頭婆>個大樣🙈

不過我開件個陣，我老豆問左句好奇怪問題，唔係當日交左BN(O)出黎，申請特區護照，就唔可以續領返BN(O)？咁我就答佢，你個女我都續領到，你續領返都得架，俾貴D炸嘛😜

#bno #2017 #passport #hongkong #實用文