廟前夜市

晚飯。廟前夜市

玩左一日，終於可以食飯了！！係我返個間爛鬼民宿之前，民宿個司機老闆終於捨得帶我去租單車！😑 係澎湖未踩過單車，真係唔好同人講你係澎湖玩過！(我講既！😆)，於是我踩住架單車去搵野食啦。

我記得第一日去買野食，個好心姨姨車我個陣，行過見到有個唔知咩誕會有臨時廟前夜市，咁我就不停踩去搵。係台灣本島係每個地方都有出名夜市，而澎湖真係唔多覺有固定夜市，好有隱世漁村風味的一個地方。踩左大慨20分鐘到，係google map到逐間廟搵，又真係俾我搵到😂😂😂

原來係城隍誕，話說我同呢到既城隍爺幾有緣份，一行到城隍爺附近就會有好野食😋好明顯呢到既城隍爺係識食之人。不過今次唔係城隍廟，而係祖師廟。 (P.S. 2015年黎個陣又係馬公舊城區個間城隍廟對面有間好食又出名既蚵仔麵食)

泊好左我架戰車就食左碗豬腸蚵仔麵線，超好食的！尤其係蚵仔，呢到係新鮮捉既同特別好食，本島個D都唔夠呢到好食！ (蚵仔=蠔bb)

其實我一到澎湖就搵我係2015年識既澎湖可愛女生朋友—瑩瑩，佢極力推介要食<七里香鹽酥雞>，果然係名牌，好多人排隊架，我排左半個鐘先有。食落去好熱，好香鹽味，我連個棵九層塔都食埋(平時我唔食架😂)👍🏻👍🏻

我終於進攻夜市！先講下個夜市有咩先，當然有野食啦，竟然有機動遊戲玩(當然係小朋友玩個D啦)，仲有遊戲攤檔，似嘉年華多D😆 我搵左D特色小食黎食，就係煎鵪鶉蛋撈茄汁。真係估佢唔到，佢竟然用我地整雞蛋仔個pan去整煎鵪鶉蛋，真係創作同幻想會嚇你下跳🙈🙈

之後行多幾行，買左杯茶味雪糕，好正！再唔食就真係熱死朕！😭之後再買多包芭樂(者係雞屎果)，就踩車返民宿，原來踩上少少就返到去，用左15分鐘😑😑😑

下篇會講明天與瑩瑩重聚

ความคิดเห็น