重聚在馬公1

Scarla Scarlet
Jun 26, 2016
3 min read

重聚

最後一日係澎湖了。

約左上年係澎湖識的女生，瑩瑩見面，係舊城區個間M記等，於是我就踩住我架烈火單車去搵佢。由於我同佢都係賴床精，都未食早餐，所以我地去早餐街到搵正既早餐食啦。

佢帶左我去一間傳統台式早餐店，佢問我有邊樣未食過，我指住"刈包"。香港好少見"刈"字，唔識讀，佢教我讀"刈（掛）包"。(更正：查返字典，國語應該讀yi4, 契爺更正廣東話應讀"艾"音)

我以為呢個包係一個普通包住東坡肉既包，點知一咬落去仲有花生、糖、鹹菜係入面，當堂好開胃兼醒哂，至此愛上了刈包。🙈😆👍🏻

馬公舊城區

食完早餐，我地就去行下舊城區，去左上次無睇既四眼井，D遊客好雀躍去打水(個井仲有水架)，我都唔好意思同佢地逼😅，所以都係影下想算😂

四眼井隔離有檔<藥膳蛋>，被譽為全台灣最好食，其實味道同涼茶舖茶葉蛋好似，老闆娘同總統候選人蔡英文女士(2017年真係做左台灣第一位女總統)

瑩瑩同隨街一個住係馬公市既人都可以係識得，因為佢父母都係馬公市都做教書先生，所以一講佢爸爸個名，基本上個個都知邊個（馬公實在太細了）🙈🙈🙈🙈

之後我地行返去天后廟拜下天上聖母個陣，行過舊街見到呢間<仙人掌千層派>啱啱開門，反正未試過未入去叫件cake試下啦，甜甜地幾好食，真係得澎湖先有😆

拜完天上聖母之後，我地2個又行返轉頭去四眼井個個方向，入左呢間<西河印刷廠-頂街工房> (http://bigwell-penghu.com.tw/)，澎湖最早印刷廠之一(如果我無記錯)，用鉛字排版既活字印刷廠。行入去真係古色古香，入面既機器同工具都係用返原本有既做陳設。

不過真係唔好俾呢間既招牌呃左，佢真係真係一間賣特色手信(鉛字粒同紙製品)同明信片既地方，真心如果要買特色澎湖明信片，可以去呢間搵，所有明信片都係搵本地畫家印完再由老闆用個台仲行得既古董老爺機印，我自己都買左張<大菓葉玄武岩柱水彩畫版明信片>寄俾自己😂咁另外仲買左3樣特色手信俾自己—就係自己中英文名既鉛字粒同彩藍色印台(都幾靚架)，咁我就可以寄明信片俾人個陣吸自己個大名上去了🙈😂 之前都講過，瑩瑩係真係可以通街都識人架🙈🙈，個老闆佢都識架🙈，咁我地有同佢吹下水，問下我地點識個D，傾傾下仲知道老闆個女係咁多年以來第一個人，仲要係女仔入到台大，封為"澎湖之光"👍🏻👍🏻😱😱咁可以想像台大係台灣有幾難入臨走既時候，老闆仲送多張古早賀年明信片俾我，不過由於片上D字太敏感啦(當然同大陸有關)，我都係唔影出黎了😅