媽宮。北環。台灣好行 1
- Scarla Scarlet
- Jun 25, 2016
- 2 min read
早餐
6月25日，
一早約左民宿司機去馬公公車站，但係我未食早餐，個到又無提供早餐😑唯有出去買黎食啦，但我又唔想司機車左我去買野食就唔車我去車站（我驚佢又坐地起價）。因為個車站搬離左舊城區，係舊城區我無單車同地圖，我就真係完全唔識路了😭我唯有嘗 試開住個google map同一張真地圖去舊城區早餐街，望下個鐘"09:10"，真係要行快D，因為09:30就會出車啦！！！
到了早餐街，好多人。不過根據經驗，越多人食既餐廳就係好味的，結果我都係去返台西式早餐店買蛋餅食，一口氣買左三份，起司、玉米同鮪魚（芝士、粟米同吞拿魚）再加杯米漿，驚成個行程無時間食野😂😂但係我實在太趕時間了，早餐製作亦要須時，所以都做一次衰人係咁催早餐店阿姨，我仲要連錢都無找就走左🙈辛苦哂阿姨了🙏🏻🙏🏻🙏🏻拎左早餐之後，就發足狂奔跑返去車站😭😭
上車
跑返車站途中，有少少蕩失路🙈幸好當地澎湖人很好好友善，會教你點行🙏🏻🙏🏻🙏🏻其實佢地比本島人仲要nice😊😊😊
我終於返到車站啦，09:30!!!!!架車唔通走左？個車站無人既？！😱😱😱咁我走去問車站職員啦，佢話架車都未到，個邊有個老外都係等呢班車加😳😳心諗"下？！未到？！去左邊呀？！老外？！係喎，我都唔記得我第一去到車站個陣有個老外都係係到等緊，個老外隔離仲有個應該係本地女仔同佢一齊😂😂😂09:45架車終於到左，原來個司機去錯車站接客😂，話今日係啱啱新轉左站定唔知點，總之朕上到呢班一千零一班車啦😬😬😬
我上車食早餐先啦🙌🏻
下篇再講
Comments