中轉站。台中

香港

6月24日，7點幾起身，好怕大美督會無車同塞車，塞完大埔再塞吐露港公路馬場去荃灣方向個段(大埔出市區D交通真係...)。

結果我出到大埔火車站走左班A47x😑，即刻轉火車出沙田再轉A41，點知係城隧入口又係塞車(朝早繁忙時間塞塞塞)，去到機場啱啱趕得切check-in炸，差15分鐘就收櫃枱，嚇到我😱(我以後會早D出問口X100次)...uo地勤哥哥仲編左第13行闊位俾我😏補償下我呢個就嚇死既小朋友。

不過出發個陣九龍灣仲有單迷李倉大火未熄，個刻係禁區真係見到舊黑雲，真係好想舊黑雲飄去落雨，幫下消防員😞

台中。沙鹿。美仁里彩繪村

搭左個幾鐘頭飛機，到左台中國際機場(係，佢升左lv，由航空站升左做國際機場)，黎過無數次，自己過快關*，熟哂架埗啦。

出到大堂第一件事，搵左個locker*鎖左件行李先，之後再去左reception得4個鐘問有咩好行。

Reception姐姐建議我可以到沙鹿美仁里彩繪村到睇下，就教我搭公車162去沙鹿火車站總站諾貝爾書店落，行1分鐘就到了😂

去等公車之前，買左樽奶茶飲，係台灣一邊飲一邊等先正架嘛👍🏻

搭左一陣公車，終於到了。

行左圈諾貝爾書店，好靜無咩人，唔似得係香港，又多人又嘈，係台灣真係好適合睇書😊

之後就行美仁里彩繪村了，呢條村其實有人住，講野真係唔好咁大聲。不過今日去係平日無咩人，好似得我一個咁😂

行行下就見到隻貓，點知隻貓熱到睬我都費時，一秒就走左😑

貓主子唔理貓奴才，貓奴才唯有繼續欣賞彩繪村既畫啦😂

彩繪村既畫全部都係關於六七十年代既台灣人生活，復古味濃，有士多、旗袍服裝店、小攤檔

、黃包車、居民日常生活等，全部都好寫實👍🏻睇完之後，去左彩繪村隔離一間小店食左碗牛肉麵😁

由於天氣實在太熱了，熱到有點頂唔順，所以決定搭公車返機場等內陸機了。

搭上公車後，發現當地開始放工放學，車廂越黎越多人了，好多"同學"上車，我差D連車都落唔到😆

返到機場拎返件行李後，就坐左係台中機場第一航廈(內陸線)到上網等check-in。因為內陸機check-in係起飛前1小時先開櫃枱，真係等到花兒都謝了😪

終於俾我等到check-in同入埋閘，螺旋槳飛機，正！（可詳見第一篇http://scarlascarlet.wixsite.com/travelalonehkg/single-post/2017/01/25/澎湖，你還好嗎?）差唔多落機既時候，俾我見到夕陽😎火紅色的雲，靚到飛起，想起‘夕陽無限好 只是近黃昏’

落左機，去拎行李，所有內陸線都係‘全自動化’，者係全部自己動起來行入入境大樓-_- 跟住就去拎聽日「台灣好行—媽宮。北環線」車票，之後就搵民宿司機返民宿啦，點知又有小插曲，激到我飛起😤（可詳見第一篇http://scarlascarlet.wixsite.com/travelalonehkg/single-post/2017/01/25/澎湖，你還好嗎?） 返到民宿，拎左房，諗住去買野食，點知又搵唔到路，民宿個老闆娘又唔9理我，真心，如果唔係呢排無房，我一早走9左，正一黑店，見錢開眼的！！😡

所以決定早D訓覺，聽日精精神神去北環！ 下篇會逐日講旅程趣事😉

#2016 #HKG #hongkong #magong #pengwu #june #taiwan #travel