澎湖，您還好嗎？

前言

今次寫遊記，就由2016年6月24日開始寫起。

其實之前都去過N次台灣(台灣是我家嘛🙈)，但台北已經去過N次，仲去到好厭(雖然我仲未去哂所有景點😂)，所以係2015年11月玩轉場，去過高雄同澎湖，自此愛上澎湖(因為個到有澎湖灣的外婆😂)。

機票

話說呢張機票好早就買左，係2015年10月某廉航搞生日$22飛買，我買左2張單程飛，第一次真係$22，再加稅，就$5xx一張，無額外買行李，諗住7kg咩都夠啦，夏天拎好少野者。至於點解無一次過買來回，因為一直揀唔到幾時返香港，二就係機票個陣未減價😜(呢間航空公司賣飛可以賣到你dup哂心口架，買左張飛可以將個價可加可減，仲勁過港鐵架🙈)，所以我決定等，等到有個好日NTD20一張飛先入手(呢間野真係好hihi，會收外幣手續費)，話就話NTD20一張飛(圍起HKD5)，好似好抵，但魔鬼在細節😏，計埋總數係HKD3x一張，再加額外行李HKD2xx連稅就HKD$6xx，仲貴過去程飛😑😑算！鬼叫佢最平😂好彩佢都俾返個闊位坐(1人去多數有呢個著數🤣)

至於台中去澎湖(馬公)，我就選擇最貴既立榮。因為內陸機佢地用螺旋槳飛機，係安全同時間上黎講立榮係排第一！價錢雖然貴復X航空2-3倍，但生命誠可貴😂😂

住宿

今次訂左一間係馬公既民宿(馥園民宿)雙人房(其實我得一個人住)，呢間野價錢好平，但完全係一個伏😡仲要受氣，一百個負皮👎🏻，由去之前確認email開始負皮到我走個刻。😡😡

當初我係確認email到有寫要租單車，而佢係租房網站亦都有寫到個到本身係有得提供，而個位老闆娘同我講話到時俾有得租俾我。點知去到就話無得租，話人地舖頭閂左門？！(個老闆娘態度仲要好差，講到我而家先講咁)心諗hihi咩閂左門，乜唔係一早講左話你地本身有？！我要架單車代步架喎？！(因為馬公本身唔係每條街都有公車站，我一個人更加唔會搭小黃啦)之後我話ok你之後帶我去租啦😡之後我話想去便利店少少野，又唔得閒理我呢D無買local tour既麻煩客，咪求其指一個方向叫我自己搵，地圖都無張，個天又黑，全條街又無人，好彩當時有位好心阿姨揸機車載我去😭又留左電話俾我，叫我有咩事打俾佢，個下真係感激流涕😭😭😭

上到房，算ok，唔太污糟，訓到就得啦，點知出到房條走廊有隻小強兄係到😑平時住慣山邊就話ok，我當睇你唔到😡

到接機，我有講低我有台灣電話，要安排人手接可以俾電話接個位司機老闆，又話我遲又呢樣個樣，個司機老問亦完全無打過電話俾我，得個位老闆娘同我溝通，又講唔清楚係邊個門口等，仲要鬧我話我阻住佢😡想借問無溝通無效率想點快呢😡

總結呢間所謂民宿，貼錢買難受

下篇會逐日講旅程趣事😉

#travel #taiwan #pengwu #magong #hongkong #june #2016 #HKG #MZG